Добавление новости

*#* *#####* ##* *## *#####* *### *#######* ##* *## *#######* *##* ###***### ##* *## ###***### *###* ####### ##* *## ##* *## ##* *## ##* *## *##* ####### ##* *## ##* *## ##* *## ##* *## *### ***##** ###* ##* *## ##* ##* *## ##**### ###* *## *######* ##*###*## ##* ##* *## ##**##* *### *## *######* ##*###*## ##* ##* *## #####* ###* *## ****### ######### ***##**** ##* *## #####* *##* *## ##* *## ######### ######### ##* *## ##*### *###* *## ##* *## ####*#### ######### ##* *## ##**##* *##* ***##** ###***### ###* *### ##* ###***### ##* ### ###* ####### *#######* ### ### ##* *#######* ##* *## *#* ####### *#####* ##* *## ##* *#####* ##* *##

Амилаҭтә журналистика, амилаҭтә культура иаиуит ацәыӡ ду

Амилаҭтә журналистика, амилаҭтә культура иаиуит ацәыӡ ду. 72 шықәса дшырҭагылаз, иҧсҭазаара далҵит, ашәҟәыҩҩы, ажурналист, Аҧсны Жәлар рџьынџьтәылатә еибашьра аветеран , "Ахьӡ-Аҧша" аорден ахҧатәи аҩаӡара занашьаз Владимир Николаи-иҧа Қапба. Аҧсны ашәҟәыҩҩцәа рхеидкыла ахантәаҩы Вахтанг Аҧҳазоу  Владимир Қапба иааигәаны дидыруан,  ҩажәи жәаба шықәса инарзынаҧшуа аус еицырухьан. Иара иҳәоит, Владимир Николаи-иҧа иҧсҭазаара иалҵра дыздыруаз зегьы рзы зхарҭәаара уадаҩу цәыӡны ишыҟалаз. «Иуҳәар ауеит  Владимир Қапба иаамҭа дафырхаҵан ҳәа. Избанзар, иара иҿара , ишьақәгылара аамҭақәа, ҧыхьатәи Асовет Еидгыла аан имҩаҧысуан. Уи даара даӡрыжәит ҳәа сгәы иаанагоит. Раҧхьатәи ашықәсқәа раан иара  аҧсуа радио аҟны аус иуан, уаантәи абаҩхатәра злоу ҳәа дыҧхьаӡаны диаргоит агазеҭ «Аҧсны» аредакциахь,  акультура аҟәша акорреспондентс. Уаҟа акыр шықәса инеиҧынкыланы аус иуит, аамҭақәак рышьҭахь аҟәша еиҳабыс дҟалеит. Акьыҧхь ахатә кәамаҵама амоуп, аҭакҧхықәра иацу рацәоуп. Мчыбжьык хәынтә иҭыҵуаз, зшәагаа дууз агазеҭ шәазхәыц аџьабаа ҳәа иацыз. Аха, иагьа ус акәзаргьы Владимир Қапба аредакциа аилашыра далагылан, ҩажәи жәаба шықәса инареиҳаны иареи сареи џьарак аус еицаҳуит. Раҧхьаӡа иргыланы иҳәатәуп, иара   ицииз игәыразреи аҧхарреи рыла  ушхихуаз, уи аҧхарра, изанааҭгьы ианыҧшуан. Усҟантәи аамҭаз ирацәаӡан еиуеиҧшым атемақәа, ус баша аинформациа еизганы мацара  акәымкәа, Владимир Қапба атема инҭырҳәацааны иҭиҵаауан,   иара еснагь инапы рылакын аочеркқәеи, инарҭбаау астатиақәеи. Даараӡа ибзиангьы урҭ  ицааиуан. Араҟа инаҵшьны иазгәаҭатәуп, иара ихатәы бызшәа бзианы ишидыруаз.Зхатәы бызшәа здыруа зегьы ирылшаӡом ианыҩуа уи ахархәара. Владмир Қапба даара даманшәалан ихатәы бызшәа, ихы иаирхәон абызшәа иамоу абеиарақәа, уи бзианы  иубон акьыҧхь ианиҵоз аматериалқәа рҿы. Ицааиуан аиҿырҧшрақәа, ажәытә- аҿатә аамҭа, иара ус дзыхцәажәоз афырхаҵа иҧсҭазаара, иҟазшьа, инапы злакыз аус уҳәа аарҧшраҿы хархәара азиуан абызшәа иамоу абеиарақәа. Сгәы иаанагоит ҟазак иаҳасаб ала уигьы ихьӡ ҭнагон ҳәа. Уи анасҩгьы, усҟантәи аамҭазы агазеҭ «Аҧсны» аредакциаҿы аус зуаз аҧышәа ду змаз, збаҩхатәра ҳаракыз ажурналистцәа хатәрақәа ирҿыуҵааша рацәан, Владмир Қапба иагьырҿиҵаауан. Иара абраҟа Владмир Николаи-иҧа дшьақәгылоит журналист ҟазак иаҳасаб ала » ҳәа азгәаиҭоит Вахтанг Аҧҳазоу.

Аҧсны ашәҟәыҩҩцәа  реидгыла ахантәаҩы Вахтанг Аҧҳазоу иҳәоит, Владмир Николаи-иҧа Қапба еснагь амилаҭтә хақәиҭратә қәҧара агәҭаны дышгылаз. Аҧсуа-қырҭуатә еибашьраан  арыцҳара зхьысыз аҭаацәарақәа дреиуахеит иаргьы. Иҧазаҵә аҧсадгьыл ихы ақәиҵеит. Уи ашьҭахь ихаҭагьы афронт ахь дцеит. «Аҧсҭазаараҿы даара имарианы, ишырҳәо еиҧш, ажәҩан иалҟьаны акгьы имоуӡеит. Имаз зегьы ихатә џьабаала иҟаиҵаз акәын. Саналагоз исҳәеит, иаамҭа дафырхаҵан ҳәа, уи зысҳәаз уи иоуп, иара ижәлар ргәеисра иныруан. Иахьа аамҭақәа даҽакала иҟоуп,  аха, усҟан есжәашықәса ажәлар рықәгыларақәа мҩаҧысуан. Аха, уи ибжьанакыз аамҭазгьы ақәҧара цон ҳажәлар рзинқәа рыхьчаразы. Ари еиҵагылаз абиҧарақәа ирныруан, зегьы иаҳныруан ҳәарада. Владмир Қапба абарҭқәа дрызхәыцуан, ҳәарада иара иаамҭа датәын. Уи даҽакалагьы ҟалашьа имаӡамызт, иаҧсуареи, иламыси, иуаҩреи, изанааҭи, иҧсҭазаареи хеибырҭәаауа иҟан. Владимир Қапба ажурналистика мацара акәӡамкәа, алитературагьы дазҿлымҳан. Даныҷкәыназ инаркны апроза ажанр аҟны аҩымҭақәа аҧиҵон.Иажәабжьқәеи иповестқәеи хазы шәҟәқәаны  иакымкәа-иҩбамкәа иҭыҵхьеит, аҧхьаҩцәа ирдыруеит. Уи зегьы иҳанаҳәо убри ауп, иара дырҿиарауаҩын. Абри зегьы уанызхәыцуа ҳәарада Владмир Қапба амилаҭтә журналитика, амилатә литература, амилаҭтә шәҟәыҩҩра, акультура, даҧхеит. Занааҭс инапы залкызаалакгьы ауаҩы ишьақәгылара шықәсык ҩышықәса рыла изыҟалаӡом, аспециалист бзиа иааӡара аамҭа маҷымкәа иаҭахәуп. Владимир Қапба азанааҭ аҿы мацара акәымкәа ҧсыуа хаҵак, уаҩык иаҳасаб ала ихатәраз, ишьақәгылахьаз, ззанааҭ аҵыхәтәанынӡа иалагылаз  уаҩын. Аха, ачымазара ииааит. Владимир Николаи-иҧа игәалашәара еснагь иҳацзаауеит, дыздыруаз зегьы ргәаҿы дыҟазаауеит.

 

 

4306

Оставить сообщение:

*##* #** ######### ##* *## #### *### ######### ### ### #### #### ###****** ###* *### *###* ####*###* ### ##* ##* ####*#### *#####* ######## ### ##* ##* ######### ###*### *######* ### *##* ##* ######### ##* *## **###* ###**##* #######* ##*###*## ##* *## *###* *###### #######* ##*###*## ##* *## *###* *####* ###**** ##* *## ##***## *######* *##* ##* ##* *## ##*#### *######## *## ##* ##* *## ####### *##*##*## *## ##* ##* *## *###### ###*##### *## ##* ##* *## *####* *#* *###* *## ##* ##* *##
ПОДПИСКА
Подпишитесь на нашу газету и будьте
в курсе всех новостей
Рекламный баннер 970x90px 970na90
НАШИ ПАРТНЕРЫ